🚨ChatGPT يوقفون اشتراك 200 دولار مؤقتًا. فخ وكمين … احذر ⚠️

خذوها مني، هذه حركة تسويقية اسمها scarcity. أو الندرة. وهدفها انهم دفعون الناس لاتخاذ قرار الشراء بسرعة. بيجي واحد يقول : بس هم وقفوا الشراء!!! شلون يدفعون الناس للشراء؟ - ايه هذا بالضبط هو التكتيك اللي هم قاعدين يسوونه، بدايةً يحسسك بأن هالخدمات لن يستفيد منها إلا فئة قليلة من الناس، ✋🏼فيوقفها لفترة معينة، ( تعطيش ) ثم لما يفتحها (اغراق) نبدأ كلنا نشترك فيها بشكل جنوني، لأننا بنخاف نفقدها مرة ثانية وبكذا يكون هو حقق ثلاثة مستهدفات. 1-بيظهر بمظهر البطل لاحقًا اللي وفر للناس الغلابى التقنية اللي كانوا يطالبون فيها. ٢-بيسوي هالة ضخمة حول النموذج وبيعظم قيمته. ٣-بيحقق قفزة في المبيعات. وconversion rate عالي عبر تحويل الناس اللي كانوا مشتركين في الباقات الأقل إلى أنهم يرفعون باقاتهم سبق Anthropic لعبوها معنا السنتين الماضية .. ونهاية الحركات معروفة يقول المثل ما طار طير وارتفع إلا كما طار وقع. نصيحتي لا ترقي باقتك .اشتغل بالموجود أو استكشف بدائل أخرى الفترة القادمة. لانه باختصار اللي بيندفع بالفترة الجاية بينزرف