(اللي انا متكفل بكل مصاريفها اقساط سيارتها وحتى ديونها) بانية عمارة ٣ أدوار ومسجلتها باسم (أخوها) عشان ما أطمع فيها ولما واجهتها قالت فلوسي حرة فيها والشرع ألزمك تصرف علي بس النهاية كانت كارثية ومحد توقعها... طول ٦ سنين زواج انا اللي ادفع الإيجار المقاضي الخدامة وحتى بانزين سيارتها ولما اقول لها عاونيني (راتبها دبل راتبي) تبكي وتقول: «الراتب يا دوب يكفي مكياجي ولبسي تبيني أصرف على البيت وأنت رجال؟» كنت اضغط على نفسي واتسلف عشان اسفرها وارضيها طاحت بيدي اوراق بالصدفة من سيارتها لقيت عقود بناء وتوريد لـ عمارة ضخمة انصدمت واجهتها واعترفت بكل وقاحة إنها تبني العمارة لها سنتين ولأنها ما تثق بالرجال وممكن أتزوج عليها سجلت العمارة والصك باسم اخوها كـ "أمانة" عشان ما اقدر اطالبها بشيء انقهرت من الاستغفال ما طلقتها بس وقفت كل مصاريفها سحبت بطاقتي كنسلت الخدامة وقلت لها الشرع اللي يلزمني اصرف عليك يلزمني بأساسيات الحياة فقط.. تبين رفاهية وماركات وسفر؟ اصرفي من عماراتك وراحت تشتكي لأهلها إني بخيل ومعقد لكن الصدمة النووية اللي دمرتها بعد شهور؟ أخوها (اللي مسجله العمارة باسمه) فجأة تزوج وراح سكن بالعمارة وأجر الباقي لحسابه ولما طالبته يفرغ الصك باسمها.. جحدها وقال بوقاحة: هذي عمارتي واسمي بالصك واعلى ما بخيلك اركبيه والمحاكم بيننا رجعت لي للبيت منهارة وتبكي دم تترجاني اوقف معها واوكل لها محامي وأرفع قضية على اخوها اللي سرق شقى عمرها طالعت وقلت: مو هذا اخوك اللي امنتيه على حلالك عشان خايفة أطمع فيه؟ خليه ينفعك انا مالي دخل بمشاكلكم العائلية ورفضت اتدخل بريال