قد سألت نفسك كيف الصداقه تساعدنا على اننا نكتشف ذاتنا ؟ ومتى يكون ارتباطك بصديق مجرد مصدر ضغط عليك؟ والصدق علاقة غون وكيلوا ملفته وقابله تكون مثال لدور الاصدقاء خلال النمو (فترة الطفوله والمراهقه) ليش تصير الصداقة مهمة بفترة النمو؟ لان مع اقتراب الطفل من المراهقة يكون من الملفت له تكوين علاقات مع من هم بعمره وهذا يعطيه شعور بالانتماء وتجربة امور وقرارات لأول مره بعيداً عن التوجيه الاسري وهذا الشي مرتبط بموضوع قبول الاقران ودعم الاصدقاء في علم نفس النمو نرجع لغون وكيلوا (كيلوا حياة رسمت الاسره اتجاهها) كيلوا انولد بعائله حددت له دور ومستقبل من طفولته ودربته على انه يكون قاتل لذالك تقدر تقدر تشوف رغبته بتكوين صداقه مع غون كجزء من محاوله بحث عن حياه هو يختارها بنفسه علاقه دخلها برغبته ويكتشف داخلها امور عن ذاته خارج توقعات اهله والان نجي لغون ودورها بالعلاقه تعامل غون مع كيلوا بأختبار الصيادين كصديق يبي صحبته ويتشاركون المغامره داخل الاختبار تقدر تشوفها من خلال مفهوم القبول الاجتماعي: ان كيلوا يجد شخص يرغب بوجوده معه ويقبل به كصديق ويشارك معه اهتمامه الصداقه بالغالب تعطيك مساحة تعبر فيها عن رغباتك واهتماماتك ( تشوفه شي عادي لكن بفترة الطفوله مهمه جداً) ولو نشوف كيلوا بنلاحظ ان علاقته مع غون كانت بدون مبالغه احد اهم العوامل الي شجعته يشوف حياته خارج اطار (مهمات الزولديك) وهذا التحول شفناه مع الوكا بنهاية العمل الصداقه يخوان اهميتها بالمواقف ، اعطاء المساحه لبعض للتعبير عن اهتمامتهم وغيرها زي ماذكرت قبل شوي لكن بعض الاحيان تتحول لضغط خصوصاً اذا مروا الاثنين بفتره وجدوا صعوبه بفهم بعض او شعر احدهم انه بحاجه لمساحه خاصه مثالاً كيلوا في ارك النمل خلال ازمة غون المرتبطه بكايت كيلوا حاول يدعمه صحيح ولكن كان واضح انه يتألم من طريقة تعامل غون سواء شعور بأن غون يحاول يبعده من فهم حزنه او تغيير شخصية غون الواضح جداً اكيد قد لاحظتوا بمواقف توتر كيلوا اذا تعرض غون للخطر رغبته بحمايته وايضاً شعور اخر غريب وهنا يجي سؤال نفسي شوي مهم (مو شرط ان هذا الي يفكر فيه كيلوا لكن حطيته كمثال) هل هو يساعده بأختياره ام لانه خايف يفقد مكانته كصديق عند غون صداقة غون وكيلوا بدون مبالغه تخليك تفهم الصداقه كعلاقه تأثر في اختيارات الشخص بفترة النمو وشعوره بالقبول عند شخص خارج نطاق العائله