في ناس تتفنن في لعب دور الفضيلة وكأنها وكلت بالحكم على الناس ولو انكشف اللي خلف الستار يمكن تكون أفعالها أبعد ما تكون عن الكلام اللي تقوله خيانة كذب غدر نفاق قيل وقال وذنوب لو عرفها الناس تغيرت نظرتهم تماماً والغريب مب إنك تغلط كلنا نغلط وكلنا لنا ذنوب ونواقص الغريب إنك تعرف أخطاءك وتصر عليها ثم تلبس ثوب المثالية والملاك الطاهر وتحاكم غيرك على نفس الشيء اللي تسويه وأحياناً أسوأ منها ولا تظن إن الناس ما تدري في ناس تعرف حقيقتك بالتفصيل لكنها اختارت السكوت مب لأنهم مصدقينك ولا لأنهم عاجزين عن كشفك لكن لأن عندهم من الأخلاق ما يمنعهم من هتك ستر إنسان فلا تغتر بالستر ستر الله عليك مب شهادة إنك صالح وسكوت الناس عنك مب دليل إنهم ما يعرفون يمكن أنت فقط عايش في نعمة غيرك يتمنى لو كانت عنده نعمة إن أخطاءك ما انكشفت فاستح من هذا الستر ولا تتمادى بسببه الستر مب تبرئة الستر فرصة.