عندي صديقة تعرف تعتذر بطريقة ذكية.

سألتها: كيف ترفضين الطلبات بدون إحراج؟ قالت لي: "إذا أحد سألك: فاضية؟ لا تقولين إيه أو لا. اسأليه أول: وش تبي؟" بالبداية ما فهمت. بعطيك مثال : "فاضية الليلة؟" "إيه، فاضية." "أجل تجين معي مشوار؟" هنا إذا ما ودك تروحين، تحسين إنك مضطرة تعطين عذر. لكن لو رديتِ من البداية: "وش فيه؟" تعرفين الطلب أول، وبعدها تقررين إذا يناسبك أو لا. "عندك وقت الحين؟" بدل: "إيه." قولي: "وش فيه؟" "فاضية نهاية الأسبوع؟" بدل: "إيه." قولي: "وش تحتاج؟" "عندك شيء بكرة؟" بدل: "لا." قولي: "خير؟" كونك فاضية ما يعني إنك موافقة على أي طلب. الناس اللي تعرف تعتذر زين، مو شرط عندها أعذار كثيرة. هم بس يعرفون الطلب قبل ما يعطون موافقتهم. ومن بعدها، أي أحد يسألني: "فاضية؟" أرد عليه: "وش فيه؟"
81 مشاهدة

اقرأ واكتب مع مجتمعFameBlogs

منصة عربية للتدوين والقصص: تابع كتّابك المفضلين، واكتب منشورك الأول، وشارك قصتك مع العالم.

مجاني على Google Play · لأجهزة Android

اقرأ أيضًا

FameBlogsللحديث بقية في التطبيق حمّل