كنت أسمع كثييرر من دكاترة وأخصائيين يقولون: ((حددوا وقت للتفكير السلبي خلال اليوم)) أول ما سمعتها استهزأت كنت اقول ايش هالتنظير؟؟؟ ايش اللي احدد وقت للتفكير السلبي،؟ لو اقدر اتحكم بافكاري كان لجأت لأخصائي نفسي؟؟؟ لين ماسمعتها من دكتورة تعالج الناس اللي عندهم امراض مزمنة بشيء اسمه (Pattern Interrupt) بس قبل اوضح ايش يعني (Pattern Interrupt) لازم تعرفون ان التفكير عبارة عن أنماط عصبية (Neural Patterns) ومسارات الدماغ متعود يسلكها ولأن الدماغ يشتغل بـ أنماط وسلوكيات مكررة أول ما تطلع من الدوام، دماغك متعود يفتح نمط زي مثلا: ايش باقي علي؟ ايش بصير بكرة؟ ايش قال مديري؟؟ ووو الخ فلمن تقرر بمجرد مثلا ماتمسك طارة السيارة ماتفكر في الدوام ابددا أنت قاعد تكسر النمط علشان كذا لازم تفهم ان مايكفي انك تقول لعقلك "لا تفكر" لازم تعطيه تذكير لكسر النمط! يعني تقرر: بمجرد ماتركب سيارتك ماتفكر بالدوام وكل ماجاتك افكار عن الدوام اقطع التفكير مباشرة راح تواجه صعوبة في البداية ليش؟ لأن دماغك متعود على النمط القديم فلازم في كل مره يرجع دماغك يفكر بالنمط القديم اللي هو الدوام انت مضطر تقطع التفكير بعد ايام لاسابيع راح ( تُصعق من النتيجة) عن تجربة شخصية اول مافهمت أنماط التفكير قررت وقتها ما أفكر في الدوام برة ساعات الدوام أبداً! فقلت خلاص، أكتب كل المهام اللي علي عشان أرجع البيت وأنا مرتاحة أول الأيام بدأت ألاحظ الفرق، لين وصلت لمرحلة والله إني أكتب المهام وأنا في السيارة قبل ألمس الطارة، عشان أول ما أسوق أطفي التفكير تماما لدرجة إن لو أحد كلمني من الدوام خارج أوقات الدوام، أطالع بضبابية على اسمه 😂 وما أخلي عقلي يفكر ولا يحلل أصلًا وأنسى الموضوع تماما والصباح أول ما أدخل الدوام، أفتح الجوال واتذكرر ان احد كتبت لي وأرد على طول.