أحيانًا كثيره الإنسان يظلم نفسه بنفسه، يتمسّك بشيء أو شخص خوفًا إنه يضيع من يده، يحس إن لو تركه بيفقد شيء ما…

أحيانًا كثيره الإنسان يظلم نفسه بنفسه، يتمسّك بشيء أو شخص خوفًا إنه يضيع من يده، يحس إن لو تركه بيفقد شيء ما يتعوض، ويحمّل نفسه ثقل ما يتحمّله، ويعيش أيام وأسابيع وهو شايل همّ ما يستاهل. بس في اللحظة اللي يقرر فيها إنه ما عاد يتمسك، ويطلق اللي كان ماسكه، يزول عنه ثقل كبير كان شايله على أكتافه، ويكتشف إن الأمر ما كان بذاك السوء اللي كان متوقعه، ولا الدنيا انهدّت، ولا الحياة وقفت. الحياة ما بتوقف على أحد، فيه فرص جديدة، وأشخاص أفضل وأنسب وأهدى من اللي تمسّكنا فيهم خوفًا وخجلًا، واللي يترك اللي ما يصلح له ينفتح ألف باب يستحقّه، ويليق فيه لأنه أدرك تمامًا قيمة نفسه . -خلّك دايم جاهز تطلق اللي يثقّلك، عشان تقدر تمسك في اللي يرفعك.