مَفيش حاجة اسمها دا ما شافش منّي غير كُل خير فمش هيأذيني، بالعكس إحنا ما اتأذيناش غير من اللي عملنا عشانُهم كُل خير.

مَفيش حاجة اسمها دا عِشرة عُمر ومش هيتغيّر معايا، لأ والله اتغيّروا وبقو أكتر ناس حاقدة علينا. مَفيش حاجة اسمها بينكو عيش وملح ومُستحيل يطلع أسرارك برّا، لأ طلعوها ونهشو فينا زيّهُم زي الغُرب. مَفيش حاجة اسمها دي زي أختك، ودا زي أخوك، والخال والد، ودا عايز مصلحتك، ودي يهمها راحتك، كُل دي جُمل مُعلّبة بتتقال وخلاص لكن الواقع طلع حاجة تانية خالص .. والناس طلعت بشعة بشكل ما يتوصفش إلا من رحم ربي طبعًا.