أنا دكتورة وتزوجت مهندس من جماعتنا قبل سنوات. بصراحة ما كنت أعرفه بشكل كبير لكن أبوي كان يعرفه ويعرف أهله، ولما كلمني وقال لي إنه تقدم لي قلت له: "يبه أنت أدرى إذا تشوفه مناسب أنا موافقة." وتم الزواج وعشت معه 15السنه من اجمل ايام حياتي ماعمري سمعت منه كلمة شينة ورزقني ربي ببنت وولد.. وبعد مرور سنوات طلبني 300ألف ريال..! كان حنون معي ومع عياله وما عمره حسسني إني ناقصة شيء، ورزقني الله ببنت وولد، وكان أبوي دايم يقول لي الله رزقك برجال طيب حتى راتبي ما كان يسألني عنه ولا مرة قال لي كم ينزل لك أو وين تودينه عشان كذا لما جاء يوم وقال لي أحتاج منك 300 ألف ما ترددت، كان عندي جزء من المبلغ والباقي أخذته قرض وعطيته إياه سألته وش بتسوي فيها؟ قال بسافر فترة وبرجعقلت له الله يحفظك ولا تشيل هم المبلغ، كنت واثقة فيه ثقة كبيرة سافر ومرت الأيام وأنا ما سألته عن الفلوس ولا قلت له متى بترجعها بعد 45 يوم رجع، ومن أول أسبوع حسيت إن فيه شيء مو طبيعي الرجل اللي كان يرجع من الدوام ويسأل عن عياله صار يدخل البيت ويسكت، بنتي تحكي له عن يومها يهز راسه وخلاص، ولدي يسأله عن شيء يرد عليه بكلمتين، حتى أنا صار كلامه معي قليل قلت يمكن تعبان أو عنده ضغط في الشغل، لكن الموضوع زاد، صار يطلع كثير وأحيانًا ينام برا البيت يوم ويومين هنا بدأ الشك يدخل براسي وقلت وش اللي صار له؟ سألته أكثر من مرة وكان يقول ما فيني شيء بس ضغوط وشغل، وما اقتنعت كلم أبوي وقال له إنه يمر بفترة ضغط وبيحاول يتغير، وأبوي جلس معي وقال يمكن الرجال عنده شيء مضايقه اصبري عليه لكن أنا كنت خلاص وصلت لمرحلة ما عاد أفهمه، قلت لأبوي أنا ما أبي أرجع له إلا إذا عرفت وش فيه وبعدها فجأة وقف يتصل واختفى فترة، تحريت عنه وعرفت إنه سافر مرة ثانية، وهنا أنا اقتنعت إن فيه شيء يخبيه عني مرت فترة ورجع يتواصل معي وكنت أقول له خلاص ما أبي أكمل طلقني، وهو يرفض بالنهاية رفعت قضية انفصال