فترة من حياتي شكيت في نفسي وقلت يمكن أنا الغلط ويمكن لازم أتعلم ألتوي ألبس وجهين وأضرب من نحت الطاولة عشان أعرف أعيش لين فهمت إن كثرة الملتوين ما تخلي المستقيم غلط أنا من الفئة الصعبة فعلاً ما أعرف أزيف شعوري ولا أقدر أبتسم لك وأنا من وراك أخطط لك شيء مب لأني ما أعرف ألعب لكن لأني ما أحتاج أخسر نفسي عشان أكسب لعبة قذرة ومن يوم فهمت هالشي بطلت أشك في نفسي وعرفت إن صدقي مب نقطة ضعف تحتاج تعديل صدقي فلتر ومب كل أحد يقدر يعدي منه خصوصاً اللي يدعي محبتك الزايفه وفي داخله حقد وغل ما ينتهي واكتشفت إني مرضهم الخبيث خصوصاً إذا كشفت ألاعيبهم وعريت أساليبهم بعض الناس ما يزعجهم فيك إلا إنك تشوفهم على حقيقتهم وما تقدر مصلحتهم تغير موقفك منهم أنا ما أحتاج أغير نفسي عشان أناسب ناس ما تعرف تعيش إلا باللف والدوران وعلى حسب نوع المصلحة اللي يبونها تسد عوقهم أنا أعرف نفسي وأعرف إني ما أقدر أكون شخص مب أنا عشان أرضي أحد واللي يشوف استقامتي ضعف هذي مشكلته مب مشكلتي وبالنهاية كل ساقط له لاقط وكل شخص يلقى اللي يشبهه.