الجرأة عمرها ما كانت مبرر لتجاوز حدود الآخرين في فرق كبير بين الشخص الواثق من نفسه والشخص اللي يفرض نفسه على غيره غصب الأول يعرف متى يتكلم ومتى يسكت ومتى يعرف إن الموضوع ببساطة ما يعنيه أما الثاني فيدخل في كل شيء ويسأل عن كل شيء ويعطي رأيه في كل شيء وكأن وجوده في حياة الآخرين يمنحه حق التدخل فيها والأجمل إذا أحد حطه عند حده قلب الموضوع عليه ولبس دور الضحية وصار الطرف الآخر هو المقرف مع إن الحقيقة أبسط من كل هالدراما أنت تجاوزت حدودك وانقال لك وقف مب كل سكوت احترام وأحياناً السكوت مجرد ذوق يمنع الشخص من إنه ينزل لمستوى ما يليق فيه وقوة الشخصية مب إنك تقول كل اللي في بالك ولا إنك تدخل في تفاصيل ما تخصك قوة الشخصية إنك تعرفين حدودك وتحترمين حدود غيرك ويا اصحاب العين القوية العين القوية زينة إذا صاحبها عقل يعرف وين يوقف لأن اللي ما يشوف حدوده مهما حاول يظهر نفسه واثق بالنهاية يبين مجرد شخص متطفل ناقص قيمه ورفعه واللي ما يقدر يرفع قيمته بنفسه يحاول ينقص من قيمة غيره على حساب غيره لكن الفرق إن الإنسان الواثق ما يحتاج يقلل من أحد حتى يثبت نفسه بينما المتطفل يظل مكشوفاً مهما حاول يلبس ثوب المظلوم فخلوا الناس في حالها مب كل شيء يعنيكم ومب كل سؤال يخطر في بالكم لازم يُسأل ومب كل معلومة بالاخص ان كانت ناقصه تعطيكم حق تتدخلون في فرق بين إنك تعرف عن شخص وبين إنك تكون شخصاً له الحق يعرف وبالنسبة للتطفل في حياة غيركم الله لا يبلانا.