حركات المتلاعبين:
1-يقدم لك مساعدة حتى تشعر إن له فضل عليك وبعدها بفترة يبدأ يطلب طلبات غريبة ويشعرك إنك وقح ونذل إذا ما لبيتها
2-يستخدم سلاح قلب الطاولة في كل نقاش إذا واجهته بخطئه يترك الموضوع الأساسي ويقعد يدقق على أسلوبك نبرتك أو كلمة قلتها قبل سنة عشان يطلعك أنت الغلطان
3-يعطيك اهتمام مبالغ فيه وقرب مزيف بأول العلاقة لين تتعلق وتعتمد عليه وبعدها فجأة يسحب عليك ويثقل عشان يخليك تراكض وراه وتدور رضاه
4-يلعب المسكين في كل مشكلة عشان يقلب الحق عليك ويخليك تحس بالذنب لمجرد أنك ناقشته أو عاتبته
5-يختلق أسرار وهمية ويحسسك إنه ما قالها إلا لك وحدك عشان يوهمك إنك مميز عنده ويخليك تثق فيه ثقة عمياء وتشاركه أسرارك ويستغلها ضدك
6-يقلل من إنجازاتك مرات ومرات يمدحك حتى تصدق إنه مستشار موثوق غير مجامل وهو يبي يبني اعتمادك عليه عشان يعرف تفاصيل خطواتك
7-يرمي عليك كلام وسخرية مبطنة قدام الناس يختبر حدودك وإذا زعلت قال أمزح معك وشفيك حساس بزيادة عشان يحطك بموقف محرج وتضطر تسكت
8-يعاقبك بالصمت والتجاهل المفاجئ عشان حتى لو تسأل يقولك المفروض تعرف يخليك تتوتر وتقعد تراجع نفسك وتدور رضاه وتهتم فيه زيادة
9-يناقض نفسه يقول كلام اليوم وينكره بكره ويمدحك قدامك ويذمك من وراك أو العكس عشان يخليك دايم محتار ومو عارف ايش موقفك معه
10-يربط حبه وقبوله لك بشروط إذا وافقته وسمعت كلامه صار ملاك وإذا خالفته أو أبديت رأيك صار زعلان ويحسسك إنك شخص سيء ما تليق بالصحبة