الصدمات بتخلق إحساس شديد بالعجز جوا الإنسان و بتخليه يعمل حاجات تدميرية بالرغم من معرفته إيه اللي لازم يعمله،زي إن الشخص يكمل في علاقة مع شخص مؤذي بالرغم من وعيه إنه هو بيتأذي و عارف إنه لازم يمشي بس بيبقى فيه إحساس بالعجز بيخليه مشلول و مش بيتحرك ناحية الخطوة اللي محتاج يعملها،ف اللي بيحصل إن الإنسان بيخلق ظروف مُطابقة للحدث الصادم الأصلي بشكل قهري و أقرب مثال ل دة هو العلاقات المؤذية، الشخص بيتواجد مع شخص بيأذيه لإنه هو اتأذى في بيت أهله و بيكرر نفس اللي حصل معاهم مع الشخص دة لإن جهازه العصبي واقف عند النقطة دي و مابيتحركش منها بسبب العجز.