مو لأنك سويت شيء غلط أو أذيت أحد… لكن يمكن لأن عندك هالـصفات. إذا كنت شخص هادي ومنضبط، وجودك بشكل غير مباشر ممكن يخلي بعض الناس يشوفون نواقصهم هم. مو لأنك تحاول تستعرض أو تثبت إنك أفضل منهم… لكن هدوءك وانضباطك ممكن يخلّيهم يقارنون نفسهم فيك بدون ما يشعرون. ما تحب القيل والقال، وما تعرض تفاصيل حياتك الخاصة للناس. وبالنسبة للشخص اللي يحب يسيطر ويتحكم، الشخص الخاص والكتوم مثلك يصعب عليه فهمك أو توقع تصرفاتك… والشيء اللي ما يقدر يقرأه أو يفهمه، ممكن يعتبره تهديد. تعرف متى تقول «لا». والناس اللي يحبون التلاعب أو يستغلون غيرهم، غالبًا يحسون بالتهديد لما يتعاملون مع شخص يعرف حدوده وما يسمح لأحد يتجاوزها. ما تركض ورا المدح، ولا تنتظر موافقة الناس عشان تحس بقيمتك. عندك ثقة هادية بنفسك، لكن للأسف بعض الناس يفسرون هالشيء على إنه غرور أو تكبّر. كل ما حاول أحد يستفزك أو يجرّك لمشكلة، تظل هادي وما تعطيه ردة الفعل اللي ينتظرها. ولما ما يقدر يتحكم بمشاعرك أو يستفزك مثل ما يبي، يحس إنه فقد السيطرة عليك. فإذا فيه شخص يحس بالتهديد منك بدون سبب واضح، لا تغيّر نفسك عشان ترضيه. هذا صراع داخلي عنده…مو مشكلة فيك.